主页 > F悠生活 >台风袭港│地道台式养生 火锅 汤底、配料 @Dining娜 >

台风袭港│地道台式养生 火锅 汤底、配料 @Dining娜

F悠生活 来源:http://www.wwwsuncity.com 发布时间:2020-06-24

(Presented by 养心殿台式养生锅)

Photo:二彤

大家都知我Dining娜係一个不折不扣嘅火锅控,但打得多港式边炉,都想食得滋补、养生,最近我就试过一间专食台式养生 火锅 嘅!养心殿乃着重配搭唔同药材嘅台式药膳 火锅 ,而且专注提供6款健康汤底,养生又养颜,真係少咗好多罪咎感,我班闺密都话大爱!

除咗火锅够地道,佢哋嘅配料、小食,亦好有台湾风味,唔少食材都来自台湾之外,小食亦跟足台式做法,食落真係几有宝岛风味!养心殿除咗旺角店,刚刚都进驻咗铜锣湾,港岛朋友都可以品尝正宗台式养生滋味喇!

必食台式养生 火锅

养心殿主打6款汤底,大部分以滋补养阴药膳食材为主。其中5款:麻辣锅、养生锅、宁神养心锅、姜母鸭锅、酸菜白肉锅,都係沿用正宗台湾做法;而另一款美人锅就係自家首创,师傅将乌鸡、桃胶等滋润食材用老火熬成汤底,养颜精华尽渗其中,绝不燥热,我哋梗係饮完汤,先再食 火锅 啦!

台风袭港│地道台式养生 火锅 汤底、配料 @Dining娜
美人锅 $188原只乌鸡再加入桃胶、杞子、南枣及金华火腿熬製,既足料亦含有丰富胶原蛋白,够晒滋补,女生大爱!
台风袭港│地道台式养生 火锅 汤底、配料 @Dining娜
养生锅 $188用多种名贵药材,如当归、参鬚、党参等,再配合鲜鸡、火腿、猪肉,慢熬煮成奶白汤底,益气又滋补。

如果大家无头绪拣边款汤底?拣最人气嘅实无错!店主陈先生透露,美人锅同麻辣锅都係两大长踞榜首,几个人食拣呢两款鸳鸯汤底最好不过!讲番麻辣锅,师傅用咗台式豆瓣酱,再加指天椒、泡椒、辣椒叶油、八角、白豆蔻、草果等13种香料煮成浓汤,足料又正宗,香辣而不麻;配搭汤底中嘅鸭血、冻豆腐等清淡食材一齐食,就能食出辣汤同食材嘅真味。麻辣锅有大、中、小辣拣,想饮汤的话,可选小至中辣。

台风袭港│地道台式养生 火锅 汤底、配料 @Dining娜
麻辣锅(可选小、中、大辣)$128以台式豆瓣酱、指天椒、辣椒叶油、白豆蔻及草果等13种香料煮成,同淡味嘅鸭血和冻豆腐一齐食,香辣风味好突出。

台湾配料、小食 地道滋味

最欣赏养心殿有唔少蔬菜同配料都係来自台湾,好似台湾常见嘅水莲菜、台湾A菜、鸭血、新鲜银耳都有供应,仲有有机秋葵、有机粟米,够晒健康!台式小食方面,连盐酥鸡、盐酥蚵仔、滷水鸭、滷大肠、甜不辣,都可以喺呢度食到,唔飞台湾,舌尖仍感受到浓厚嘅台风滋味!

值得一提嘅係,鲜炸响铃係店主大力推介嘅配料,因为佢係由深水埗公和出品,而且即叫即炸,豆味浓郁、薄身爽脆,吸收任何汤底都鲜香美味!

台风袭港│地道台式养生 火锅 汤底、配料 @Dining娜
樱桃鲜滑鸭片 $88、鸭血 $48严选120日大嘅鸭胸肉,色泽鲜嫩,刨成薄片后灼数秒即可入口;鸭血由台湾直送,新鲜爽滑,灼后吸尽火锅精华。
台风袭港│地道台式养生 火锅 汤底、配料 @Dining娜
新鲜银耳 $48来自台湾嘅新鲜银耳,特别爽口,蕴含大量胶质,女士必点!
台风袭港│地道台式养生 火锅 汤底、配料 @Dining娜
盐酥鸡 $58跟足台湾做法,鹹香鬆脆,好有台湾夜市风味;最锺意佢一啖一件,大细啱啱好。
台风袭港│地道台式养生 火锅 汤底、配料 @Dining娜
御选梅花猪 $108严选西班牙黑毛猪,质感超爽滑,肉香十足,油脂均匀,推介配搭麻辣锅或姜母鸭锅食。
台风袭港│地道台式养生 火锅 汤底、配料 @Dining娜
海鲜拼盘 $138/位想食几款靓海鲜,推介柯打呢个拼盘,有鲍鱼、带子2只、海虾2只,已经好满足!

养心殿台式养生锅

旺角店:弥敦道607号新兴大厦1楼106-112号舖(2323 3123、2323 3698)

铜锣湾店:轩尼诗道418-430号友光大厦3楼(2577 4400、2577 4401)

备注:设加一,收现金及信用卡

台风袭港│地道台式养生 火锅 汤底、配料 @Dining娜
养心殿全店设计同桌椅,主要以木材和暖色为主,气氛闲适,几有台式别緻小店嘅舒服感。
台风袭港│地道台式养生 火锅 汤底、配料 @Dining娜
枱与枱之间,以木材疏孔屏风间隔,既能保持私隐度,亦够开扬唔侷促。

热门内容
小编推荐